ຮາມາດ ຄັດຄ້ານຂ່າວການຖອນຕົວ ອອກຈາກການເຈລະຈາຂໍ້ຕົກລົງຢຸດຍິງ
ສຳນັກຂ່າວສານຫວຽດນາມ ລາຍງານໃນວັນທີ 15 ກໍລະກົດ 2024 ນີ້ວ່າ: ຂະບວນການອິດສະລາມ ຮາມາດ ປະຕິເສດບັນດາຂໍ້ມູນ
ທີ່ໄດ້ມີຂຶ້ນກ່ອນໜ້ານັ້ນ ກ່ຽວກັບເລື່ອງຂະບວນການດັ່ງກ່າວ “ການຢຸດຕິ” ບັນດາການເຈລະຈາຢຸດຍິງກັບ ອິດສະຣາແອນ ພາຍຫຼັງເຫດບຸກ
ໂຈມຕີຂະໜາດໃຫຍ່ຂອງກອງອິດສະຣາແອນ ໃສ່ນະຄອນ ຄານ ຢູນິສ໌ ທາງທິດໃຕ້ຂອງເຂດ ກາຊາ.
ທ່ານ ໄອຊັດ ອາ ຊິດ ສະມາຊິກການເມືອງຂອງກຸ່ມ ຮາມາດ ໄດ້ອອກແຈ້ງການຊີ້ແຈ້ງຂໍ້ມູນທັງໝົດທີ່ໄດ້ມີຂຶ້ນກ່ອນໜ້ານັ້ນ ກ່ຽວກັບ
ເລື່ອງຂະບວນການຂອງຕົນຕັດສິນໃຈຢຸດຕິການເຈລະຈາ ເພື່ອໂຕ້ຕອບການບຸກໂຈມຕີຂອງ ອິດສະຣາແອນ ໃສ່ຄ້າຍລີ້ໄພອານ-ມາວຊີ ແມ່ນ
ບໍ່ມີມູນຄວາມຈິງ. ທ່ານ ກ່າວຕື່ມອີກວ່າ, ຝ່າຍ ອິດສະຣາແອນ ພວມພະຍາຍາມກີດຂວາງເລື່ອງການບັນລຸຂໍ້ຕົກລົງຢຸດຍິງ ເພື່ອເພີ່ມທະວີ
ການບຸກໂຈມຕີຢູ່ເຂດ ກາຊາ.
ຕາມຕົວເລກຂອງອົງການສາທາລະນະສຸກ ກາຊາ ໃຫ້ຮູ້ວ່າ, ມີຊາວປາແລັດສະຕິນ ເສຍຊີວິດ 90 ຄົນ ແລະ ໄດ້ຮັບບາດເຈັບອີກປະ
ມານ 300 ຄົນ ພາຍຫຼັງເຫດບຸກໂຈມຕີຄືດັ່ງກ່າວຂອງ ອິດສະຣາແອນ. ສ່ວນຝ່າຍ ອິດສະຣາແອນ ໃຫ້ຮູ້ວ່າ, ເປົ້າໝາຍບຸກໂຈມຕີແມ່ນ
ສູນບັນຊາການທະຫານຂອງກຸ່ມ ຮາມາດ.
ແຫຼ່ງທີ່ມາ: ໜັງສືພິມກອງທັບ
ວັນທີ 17/07/2024